10/14/07

दशैको चहल पहल

अहो !! पोहोर पोहोर यतिबेला लगभग खालि हुने राजधानी यसपालि दसैंको भिडभाड बढी देख्छु जताततै भिड फुट्पातमा हिंड्ने ठाउँ छैन, दसैं बजार सडक सम्म फैलिएको छ। गाडी गूड्ने ठाउँ छैन समयमा कुनै ठाउँमा पुग्न सकिन्न। लुगा पसलमा लुगा किन्न तछाड मछाड देखिन्छ। सुन्छु तराइ जाने धेरै ले यस्पाली काठमाडौंमा दसैं मनाउने तयारी गर्दै छन रे। एक त आफ्नो घर सम्म पुगिने हो कि होइन त्यो डर, अर्को तर्फ समयमै जागिर भेट्टौन आइपुगिने हो कि होइन भन्ने डर , जो जता छन तेतै दसैं मनाउन घरका परिवार ले निर्देशन दिएका छ रे।

यस्पाली कान्तिपुर दैनिकले दिन दिनै जसो "देवीलाई फलफुल चढाऔ , पशुबली नचढाऔ" भन्ने नारा देखिए पनि खशी बजारमा मान्छेहरु घोर्ले खशी रोज्न बेस्त देखिन्छ ।

यस्पाली मेरो घरको दसैं अली बिबाद्स्पद भई रहेछ। कुरो खसीमा अड्किएको छ मेरो ममि एस्पाली खशी नकाट्ने पक्षमा हुनु हुन्छ भाई खशी नकाटी दसैंनै हुँदैन भन्छ। घर सगैको कजन त ५ दिन राम देब को सिबिरमा के गएका थिए खसी त नकाट्ने निर्णयमा पुग्नु भएछ वा! वा! रामदेव हुन पनि 'अप्ने पेट को सम्सानलय नही देबालय शिवालय बनावो' भन्दै थिए। हुन पनि त्यो सुनेर चाँही नखाउ जस्तो हुने तर खान लाग्यो सबै कुरा बिर्सिने नराम्रो बानी ;)

मेरो घरमा अब खशीको अन्तिम टुङो लाग्नै बाँकी छ मैले आफ्नो बक्तब्य निकाली सकेको छैन। हुन पनि हो मैले थाहा पाए देखिको दसैंमा घरमा खसी काटेर देबी लाई चढाइन्थ्यो शायद तेही भएर होला भाईलाई पनि दसैंमा खशि नकाटी रमाइलो नै हुन्न भन्ने लागेको। मलाई अहिले एउटा कुरा राख्न हासो पनि उठी राखेको छ आज बिहानै देखि मलाइ एउटा सोचाइ आइरहेछ सायद म पनि खसी भएको भए दसैंमा काटेर खान्थे होला म बोल्न पनि सक्थिन होला मलाई कसरी काटेर खान्थे होला मान्छेहरुको रमाइलो र जिब्रोको स्वाद्को लागि आफ्नी जीवन समर्पण गर्नु पर्थ्यो होला। छि! छि! कस्तो कस्तो सोचाइ आउछ है मान्छेको दिमाखमा पनि, तर मलाई खशि, बोका, कुखुरा देखेर माया लाग्यो। यदि हामी ले तेस्लाई काटेर नखायो भने त हामी ले कुकुर बिरालो जस्तै पाल्थ्यो होला। उ पनि जिन्दगी भर आफ्नो आयु हुन्जेल बाच्थ्यो होला हुन त जसले देवीको तान्त्रिक विधिअनुसार पूजा-अर्जना गर्छ, उसैले पाँच दिन पञ्च बलि दिनुपर्ने मान्यता तान्त्रिक ग्रन्थहरूमा उल्लेख छ तर मेरो विचारमा एक्दिन यो बली दिने प्रथा अवस्य हट्न सक्छ मान्छेहरुले बिस्तारै बुझ्ने छन।

2 comments:

अम्बिका गिरी said...

Good notion. We have to consider for this. Anyway, Happy Vijaya Dashami 2064...

basanta said...

चित्त बुझ्ने कुरा गर्नुभयो! मान्छेको बानी पनि गज्जबको छ, मासु हसुर्ने आफूले अनि दोष दिने देउतालाई! कुनैपनि मन्दिरमा बली दिन नपाउने गरी प्रतिबन्धनै लगाउनु पर्छ।

तपाईँलाई र तपाईँको ब्लगका पाठकहरुलाई दशैंको धेरै-धेरै शुभकामना!